“Valideynlər övladlarına sərhəd qoymaqda niyə çətinlik çəkirlər?!”

• Home
• Xəbərlər
• “Valideynlər övladlarına sərhəd qoymaqda niyə çətinlik çəkirlər?!”

“Oğluma söz keçirə bilmirəm”;
“Qızım üzümə qayıdır”;
“Övladlarımla bacarmıram” və s.
Yəqin ki, valideynlərdən bu cümlələri yalnız biz psixoloqlar yox, elə siz də eşidirsiniz.

Bəs vəziyyətin bu həddə çatmasına səbəb nədir?
Bu məqamda zamanında qoyulmayan sərhədlərdən danışa bilərik.

⁉️Valideynlər övladlarına sərhəd qoymaqda NİYƏ çətinlik çəkirlər?

- Övladlarına “yox” dediklərində onların xoşbəxt olmayacağını düşünürlər;
- Onların gözündə pis valideyn olmaqdan qorxurlar;
- Öz yetişdirildikləri ana-ata profilindən fərqli davranmaq istəyirlər;
- “Mənim valideynlərimin mənə qoyduğu “qadağa”ları mən öz övladıma qoymayacam” – deyə düşünürlər;
- Övladlarını sərbəst yetişdirmək üçün hər şeyə “hə” deməli olduqlarını düşünürlər;
- Övladlarına duyğusal olaraq məğlub olurlar;
- Normadan artıq tolerant davranırlar;
- Onlara sərhədsiz xoşbəxtlik hissi yaşatmaq istəyirlər və s.

Tərbiyə prosesində övladlarına bu və buna bənzər düşüncələrlə yanaşma tərzi göstərən valideynlər müəyyən bir zaman sonra övladları ilə “bacara bilməmək” problemi ilə qarşı-qarşıya qalırlar.

Bu cür yanaşma əsasən uşaq mərkəzli ailə tipi və qərarsız ailə tipi olan ailələrdə özünü göstərir.

Əziz valideynlər, nəticə səbəbdən asılıdır. Nəticələri dəyişmək üçün səbəbləri dəyişməlisiniz.“

Нравится