10.05.2021 tarixində Türkiyədə fəaliyyət göstərən həmyerlimiz, klinik psixoloq Fəxriyyə Nəsirzadənin təqdimatında “Sxema (Şema) Terapiya” adlı vebinar baş tutdu.
Vebinar Psixologiya Elmi-Tədqiqat İnstitutunun təşkilatçılığı ilə Zoom platforması üzərindən həyata keçirildi.
Fəxriyyə xanım vebinar iştirakçılarına Sxema terapiyanın məqsədi və işlənmə metodları, sxemlər və modlar, sxemalarla işləmə texnikaları və mövzu üzrə zəruri məlumatları verdi, sxema terapiyanın praktikada tətbiqini öyrətdi.
Psixologiya Elmi-Tədqiqat İnstitutu olaraq öz zəngin bilik və təcrübəsini vebinar iştirakçıları ilə paylaşdığı üçün təşəkkürümüzü bildirir, iştirakçılara uğurlar arzu edirik!
