Azərbaycan Respublikası Təhsil Nazirliyinin “Məktəblinin dostu” layihəsi və Psixologiya Elmi-Tədqiqat İnstitutunun birgə əməkdaşlığı ilə “Məktəb direktorları, pedaqoqlar və məktəb psixoloqlarının psixo-maarifləndirilməsi” layihə proqramı çərçivəsində məktəb psixoloqları üçün təlimlər tədris olunmağa başladı.
İlk təlim 10.05.2021 tarixində Təhsildə Psixoloji Xidmətə Dəstək Mərkəzinin əməkdaşı, Psixoloji Xidmət və Reabilitasiya Mərkəzinin mütəxəssisi, klinik psixoloq Nuranə Salmanlının təqdimatında baş tutdu.
Proqram üzrə ilk təlim “Böhran vəziyyətində hansı psixoloji narahatlıqlar müşahidə oluna bilər?” mövzusu üzrə tədris olundu.
Uğurla tədris olunan təlimlər üçün Nuranə xanıma təşəkkürümüzü bildirir, layihə iştirakçılarına uğurlar arzu edirik!
