Ayrılıqdan sonra özümüzü necə hiss edirik ?!

[A-] | [A+]

“Bir daha əsla başqasını sevə bilmərəm”;
“Heç kimlə onunla olduğum kimi xoşbəxt ola bilmərəm”;
“Onun kimisi çıxmayacaq qarşıma”…

Ətrafımızda ayrılıq yaşayan şəxslərdən bu cümlələri yəqin ki, tək mən yox, siz də eşitmisiniz.

Həyat yoldaşı və ya sevgilidən ayrıldıqdan sonra yaşanan dönəm bir yaxının itkisi zamanı yaşanan dönəmə bənzəyir. Hər iki halda şəxs yas psixologiyasına daxil olur və emosional olaraq müxtəlif mərhələlərdən keçir.

Ayrılıq yaşayan şəxs öncə şok mərhələsində olur və ayrılığı inkar edir.

Ardınca qəzəb mərhələsi gəlir və şəxs bu mərhələdə həyat yoldaşı və ya sevgilisinin sevmədiyi tərəflərini gözündə böyüdür. Hətta yanında onun adının çəkilməsi belə şəxsi narahat edir.

Bunun ardından gələn ehtimallar mərhələsində “Görəsən belə etsəydim, yenə məndən ayrılardı?” kimi suallarla sanki özünə hesab verir.

Barışmağın mümkünsüzlüyünü anladığı andan etibarən emosional cəhətdən yoxluq, boşluq hiss etməyə başlayır və bununla da depressiv epizoda keçid edir.

Son mərhələ isə qəbullanma mərhələsidir. Şəxs həyat yoldaşı və ya sevgilisi ilə bağlı xatirələri yada saldıqca kədərlənir, lakin həyatına da qaldığı yerdən davam edir.

Ayrılıq dönəminin bu şəkildə yaşanılması normaldır. Lakin bu müddət daha çox uzanar və ya mərhələlərin birində ilişib qalmaq davam edərsə, travmatik təsirin formalaşmağa başladığını deyə bilərik. Travmatik təsirin psixoloji cəhətdən yarada biləcəyi fəsadlardan müdafiə olunmaq üçün psixoloji dəstək almaq məqsədəuyğun hesab olunur.WhatsApp Image 2021-12-21 at 21.51.37

Share to Odnoklassniki
Нравится