Görəsən duğularımızı nə qədər tanıyırıq ?!

  • Home
  • Kateqoriyasız
  • Görəsən duğularımızı nə qədər tanıyırıq ?!

İnsan duyğu və düşüncələrilə insandır. İnsan hiss etməyi bacaran varlıqdır.

Yaşadığımız hər an bir duyğu hiss edərik. Biz fərqində olsaq da, olmasaq da, həmişə bir şeylər hiss edərik.

⁉️Bəs görəsən duyğularımızı tanıyırıqmı?
‼️Bəzən dünyanın ən çətin peşəsidir öz duyğularına tərcüməçi olmaq…

İnsan olaraq orqanizmimiz daxildən və xaricdən gələn hər cür təsirə cavab reaksiyası verir.
Həyatımızda baş verənləri qəbul edər, dəyərləndirər və təhlil edərik. Bütün bu anlara fərqində olmadığımız bir çox duyğular şahidlik edər. Duyğularımızı görməzdən gəlib məntiqimizlə hərəkət etmək istədiyimiz zamanlar da olur. Duyğularımızı yox saya və ya özümüzü onlardan izolyasiya edə bilərik. Ancaq onların hər zaman daxilimizdə bizimlə olduğu gerçəyini inkar edə bilmərik.

Özünü tanımaq istəyən insan üçün yaşadığı duyğular çox yaxşı bələdçidir. Çünki “Duyğu ruha ağıldan tez yol tapır” – demişdir Mövlanə Cəlaləddin Rumi.

Psixoloqlar psixoterapiyanın hansı növünü tətbiq etməsindən asılı olmayaraq müraciət edən şəxsin duyğularını görməzdən gələrək terapiya apara bilməzlər.

Duyğularını tanıyan insan:

Yaşadığı duyğunun fərqindədir;
Yaşadığı duyğuları hiss etdirən situasiyanın nə olduğunu bilir;
Yaşadığı duyğuların ortaya çıxmasına təsir edən düşüncə qəliblərinin fərqindədir;
Yaşadığı duyğuların düşüncələrinə, düşüncələrinin isə davranışlarına təsir etdiyinin fərqindədir;
Yaşadığı duyğuların başqaları üzərindəki təsirlərini bilir.

“Bir söz qərarını, bir duyğu həyatını, bir insan səni dəyişə bilər” ( Konfutsi ).

Həyatınızı dəyişməyə duyğularınızı tanımaqdan başlaya bilərsiniz.

Duyğularınızı tanımaqda çətinlik çəkirsinizsə, bir mütəxəssisə müraciət edə bilərsiniz.WhatsApp Image 2021-12-08 at 01.15.44

Share to Odnoklassniki