Son zamanlar cəmiyyətimizdə ailədaxili şiddət və cinayət hallarının artması ilə bağlı xəbərlər eşidilir.Sözügedən situasiya ilə bağlı insanları düşündürən və narahat edən bir neçə sual meydana çıxır. Bu tip ailədaxili münaqişələrin yaranmasının əsas səbəbləri nələrdir və cəmiyyətimizdə belə konfliktlər nəyə görə artmaqdadır?…
Ailədaxili şiddət və konfliktlər əsasən tərəflərdən birinin digərini anlamaması səbəbindən olur: “Məsələnin kökünə getməmişdən əvvəl bir məqamı qeyd etmək lazımdır ki, abu tip xəbərlər sosial şəbəkələrdə və xəbər portallarında çox özünəməxsus şəkildə qabardılır. Məlumatın bu şəkildə cəmiyyətə ötürülməsi problemin adiləşməsinə gətirib çıxarır. Nəzərə almaq lazımdır ki, insanların psixologiyası hamıda eyni deyil. Yəni, belə xəbərlərdən beş nəfər nəticə çıxararsa, üç nəfər düşünəcək ki, bu məqbul bir şeydir. Heç uzağa getməyək, az bir müddətdən sonra yenidən bu tip xəbərlər eşidəcəyik. Ona görə də, bunun dəlilini vermək lazımdır”.
