ANS TV-də bugünkü sosial şəbəkələrdə müzakirəyə çıxarılan 32 yaşlı müəllimənin şagirdə qoşulub qaçmağı haqqında danışdıq. Hədəfə yenə də müəllim şagird münasibəti gəldi. Bu dəfə sanki “qaşınmayan yerdən qan çıxarmaq” fonunda. Birinci, müəllimə də insandı ailə qura bilər. İkinci, oğlan orta məktəbi bitirib 18 yaşı var və müstəqil qərar vermək hüququndadı. Üçüncü, rəsmi şəkildə toy edib ailə qurublar. Dördüncü, beşinci və s. yazmaq olar. Bir şeyi nəzərə almalıyıq ki, bu cür özəl məsələləri kütləvi müzakirəyə çıxarmaqla çox şeyləri itiririk. Burada ən böyük zərbə dəyər sistemimizə dəyir. Fərqində deyilik, mənfi nəticələrini zaman-zaman görərik. Bir insan haqqında fikir bildirməzdən öncə özümüzü bir anlıq o insanın yerinə qoyaq. Lap elə rəsmi ailə quran, bu gün müzakirəyə çıxarılan o ailə kimi.
